featured

KULAN BULSHADEED LOOGA HADLAYAY KOR-U-QAADIDA GANACSIGA IYO GANACSATADA OO ay Wad qabteen Runta Ganacsiga puntland iyo OCVP

Hay’adda cilmi barista ee OCVP iyo rugta ganacsiga Puntland ayaa magaaladda bosaso ku qabtay kulan ballaaran oo la isku waydaarsanayay aqoon iyo warbixino ku saabsan kor qaadida Ganacsiga iyo ganacsatada Puntland.

Kulankan oo ka dhacay hoolka shirarka ee Hotel Gacaynta waxaa kasoo qeyb galay mas’uuliyiinta wasaaradda ganacsiga oo uu hoggaaminayay wasiir xigeenka wasaaradda ganacsiga iyo warshadaha Puntland Mudane Cabdirazaaq Nuur Cumar, Masuuliyiinta rugta ganacsiga, xildhibaano ka socday dowladda hoose bosaso, ganacsatada kala duwan ee magaalada Boosaaso iyo aqoonyahanka xarumaha cilmi sida jaamacadaha iyo macaahidda.

Madaxa Hay’adda OCVP Puntland Ismaaciil Cabdullaahi Cilmi ayaa ka war bixiyay mashruuc ay muddo ka wadeen magaalada Boosaaso oo kor laagu qaadayay tayada iyo xirfadaha ganacsatada yaryar ee Boosaaso iyadoo ganacsatadaas la siiyay tababarro iyo dhqaale lagu taageerayay.

Qodobbada shirkaan lagaga doodayay waxaa ka mid ahaa:

  1. Hab raaca diiwaan gelinta ganacsiyada iyo sharciyada ganacsi ee Puntland ka jira,
  2. Iskaashiga ganacsatada dhexdooda ah
  3. Xoojinta tayada ganacsiga iyo ganacsadaha
  4. Kaalinta xarumaha wax barashadu ku leeyihiin kobcinta tayada ganacsiga
  5. Xallinta khilaafaatka ganacsi haddii ay dhacaan iyo qaababka loo maro.
  6. Xiriirka wasaaradda ganacsigu la leedahay Xarumaha iyo shirkadaha ganacsiga iy weliba rugta ganacsiga.
  7. Talo soo jeedin ku saabsanayd kobcinta ganacsi

Kulankaan oo u badnaa waydiimo iyo jawaaabo ayaa in badan waxaa la waydiiyay masuuliyiinta wasaaradda ganacsiga, dowladda hoose, rugta ganacsiga iyo ganacsatada waaweyn su’aalo asaasi u ah tayaynta ganacsiga iyo ganacsatada Puntland.

Gabagabadii, ayaa waxaa la isku af gartay in la xoojiyo xiriirka laamaha dowladda iyo kuwa gaarka ah si iskaashiga ganacsigu u kobco isla markaasna bulshadu u ogaato sharciyada iyo xeerarka ganacsi ee dowladda Puntland ku dhaqanto.

Gees kale, kullanka waxaa kaloo ka hadlay Wasiirka xigeenka wasaaradda Gacansiga iyo warshadaha Puntland Cabdirazaaq Nuur Cumar, Guddoomiye ku xigeenka Rugta Ganacsia Maxamed cabdi Waaberi, Agaasimaha waaxda maaliyadda Dowladda Hoose ee Boosaaso Zahra Mahad Bulxan iyo qaar ka mid ahaa ganacsatadii waaweynayd ee ka qaybgashay kullanka, waxayna dhammaantood tilmaameen muhiimadda weyn ee ay leedahay xoojinta iyo kobcinta iyo iskaashiga ganacsiga iyo ganacsatadda puntland, iyagoo u mahadceliyay hay’adda cilmi barista ee OCVP iyo rugta ganacsiga Puntland.

IMG_0344

IMG_0176IMG_0209IMG_0211IMG_0214IMG_0222IMG_0264IMG_0270

IMG_0357 IMG_0529IMG_0547IMG_0555IMG_0596IMG_0657 IMG_0730  IMG_0806

Comments are closed.